Wednesday, November 22, 2017

വാട്ട്സപ്പും ഞാനും

വാട്ട്സപ്പും ഞാനും :-

ഇന്നലെ വൈകിട്ട് പ്രതീക്ഷിക്കാതെ മഴ, തകർപ്പൻ. മഴ.കുറച്ചു നേരം മഴ കുറയാൻ കാത്തിരുന്നു  പക്ഷെ കുറഞ്ഞില്ല
 പിന്നെ മഴ നനഞ്ഞു  മഴയ്ക്ക് പിന്തുണ പ്രഖ്യാപിക്കാം എന്നുതീരുമാനിച്ചു.  മഴയിൽ നടന്നു.  സത്യത്തിൽ ആ തീരുമാനം  ഒട്ടേറെ സന്തോഷിപ്പിച്ചു  അറിയാതെ ഒരു കൊച്ചു കുട്ടിയായപോലെ ഫീൽ ചെയ്തു. 
ഏകദേശം 10  മിനുട്ട്  മഴ ആസ്വദിച്ചു വീട്ടിലെത്തി  
വീട്ടിലെത്തി ഫോൺ എടുത്തപ്പോൾ മഴ ആസ്വദിച്ചത് മുഴുവൻ മനസ്സിൽ നിന്നു മാഞ്ഞുപോയി  ഫോൺ  ആവശ്യത്തിലേറെ വെള്ളം കുടിച്ചിരിക്കുന്നു 
പിന്നെ അറിയാവുന്ന രീതിയിൽ സിമ്മും  ബാറ്ററിയും മാറ്റി  മാക്സിമം തുടച്ചു  ഫാനിനടിയിൽ  വെച്ചിട്ടു നനഞ്ഞ വസ്ത്രങ്ങൾ മാറി വീണ്ടും ഫോണിന്റെ അടുത്തെത്തി  ഒരു പഴയ സ്റ്റാൻഡ് ബൈ ഫോണിൽ സിമിട്ടു  സിമ്മിൽ സേവ് ചെയ്തതെല്ലാം ഭദ്രം  ആ സമയത്തു ഒരു സുഹൃത്ത് വിളിച്ചു 
" എന്ത് പറ്റി ഗ്രൂപ്പിൽ നിന്നും ഓഴിവായതെന്തിന്" അപ്പോഴാണ് എന്തോ സംഭവിച്ചിരിക്കുന്നു  എന്നു മനസ്സിലായത്  
വേഗം സിമ്മെടുത്തു  വൈഫിന്റെ ഫോണിൽ ഇട്ടു വീണ്ടും വാട്ടസ്ആപ് ഡൌൺ ലോഡ് ചെയ്തു നോക്കി  അതുവരെ സേവ് ചെയ്തിരുന്ന മെസ്സേജസ്  ഗ്രൂപ്പുകൾ എല്ലാം മാഞ്ഞു പോയിരിക്കുന്നു.....   ഊണിലും  ഉറക്കത്തിലും  കാത്തു സൂക്ഷിച്ച വാട്ടസ്ആപ് ഗ്രൂപ്പുകൾ ഇനി എങ്ങനെ റീ ക്രിയേറ്റ് ചെയ്യും എന്നതായി അടുത്ത പ്രശനം....  
 ഉറക്കത്തിലും എന്നെ അലട്ടിയതു ഈ പ്രശ്നമാണ്  പിന്നെ ഒരുവിധം  ഉറങ്ങി 
കാലത്തു നേരെത്തെ എണിറ്റു   ഫോണിൽ ട്രയൽ തുടങ്ങി 
ഒരു വിധം ഇൻഡിവിജുവൽ കോണ്ടാക്റ്റ്സ്  മുഴുവൻ തിരിച്ചെടുത്തു  പക്ഷെ  ഗ്രൂപ്പുകൾ കിട്ടാൻ അതാതു ഗ്രൂപ്പ് അട്മിനുകൾ  കനിയണം 
പിന്നെ അതിനുള്ള വിളികളും മെസ്സേജുകൾ അയക്കലും ആയി   ഏകദേശം രണ്ടു മൂന്ന് മണിക്കൂർ കൊണ്ട് എല്ലാം ശരിയാക്കി 
അതിനു ശേഷമാണ് മനസ്സ്  സ്വസ്ഥത വീണ്ടെടുത്ത്

Sunday, November 12, 2017

അനുപമേ അഴകേ!

അനുപമേ അഴകേ
നിൻ തിരുനെറ്റിയിലെ
ചന്ദന കുറിയായി ഞാൻ
മാറിയെങ്കിൽ
നീ ചൂടും തുളസിക്കതിരായി
ഞാൻ പിറവിയെടുത്തെങ്കിൽ
നിൻ കരസ്പര്ശമേല്ക്കും
മലരായി ഞാൻ ജനിച്ചെങ്കിൽ
നിൻ സിരകളിലോടും ഒരുതുള്ളി
ചോരയായി ഞാൻ മാറിയെങ്കിൽ
നീ മുത്തം കൊടുക്കും പൈതലായി
ഞാൻ മാറിയെങ്കിൽ
നിന്നെ തലോടും ഇളം കാറ്റായി
ഞാൻ മാറിയെങ്കിൽ
നിന്റെ ഏറ്റവും അകലങ്ങളിലെ
ഒരു ഇഷ്ട്ടമായി,സ്വപ്നമായി
ഞാൻ മാറിയെങ്കിൽ
അലിഞ്ഞേനെ നിന്നിൽ
ലയിച്ചേനെ നിൻ അഴകിൽ
അനുപമേ അഴകേ!

Sunday, October 22, 2017

മെർസൽ

മെഡിക്കൽ ഫീൽഡിലെ ഏറ്റവും വലിയ അഴിമതിയാണ് "മെഡിക്കൽ ചെക്കപ്പ്‌"!!
ഒരു രോഗവും ഇല്ലാത്ത നിങ്ങൾ ഒരുവട്ടം മെഡിക്കൽ ചെക്കപ്പിനു കയറി നോക്കു.., എന്തെങ്കിലും ഒരു രോഗം നിങ്ങൾക്ക്‌ അവർ എഴുതി തന്നിരിക്കും തീർച്ച...!!
ഇന്ന് ലോകത്തിലെ ഏറ്റവും വലിയ ബിസിനസ്സ്‌ ആണ് മെഡിക്കൽ ഫീൽഡ്‌ പ്രത്യേകിച്ച് സ്പെഷ്യലൈസ്ഡ് ട്രീറ്റ്മെന്റ്
5 രൂപാ വാങ്ങി ചികിൽസിക്കുന്ന ഡോക്റ്ററെ ജനം പുച്ചിച്ച്‌ തള്ളും..!!
5000 രൂപാ വാങ്ങി ചികിൽസിക്കുന്നവനെ വാനോളം പുകഴ്ത്തും..!!
കൂടുതൽ അറിവ്‌ ഇവനാണെന്ന് കരുതി കാശെത്ര കൊടുത്തും അവനുവേണ്ടി ജനം ക്യൂ നിക്കും.. !!
അവൻ എഴുതിക്കൊടുക്കുന്ന വിലകൂടിയ മരുന്നുകളെല്ലാം വാങ്ങും..!
ഇന്നു സിസേറിയൻ ഒരു നോർമൽ സംഭവമായിരിക്കുന്നു ആർക്കും അതിൽ ഒരു ഞെട്ടലും തോന്നുന്നില്ല ... സിസേറിയൻ മതി എന്ന് വരെ തിരുമാനിക്കുന്നവർ കൂടി വരുന്നു
സർക്കാർ ഹോസ്പിറ്റലുകളുടെ ഇന്നത്തെ ദയനീയാവസ്ഥ, ഒരു പക്ഷെ അറിഞ്ഞുകൊണ്ട് വരുത്തുന്നത്, പ്രൈവൈറ്റ് ഹോസ്പിറ്റലുകളുടെ
കൊള്ളക്ക് സൗകര്യം ഒരുക്കി കൊടുക്കുന്നു
ഡയാലിസിസ് നടത്തുമ്പോൾ കരണ്ട് പോയി രോഗികൾ മരിക്കുന്നു..! അത്യാവശ്യത്തിന് പവർ ബാക്കപ്പ് ഇല്ല..!
വെൻറിലേറ്റർ പ്രവർത്തിക്കുന്നില്ല. കാരണം ഓക്സിജൻ സിലിണ്ടറുകൾ സപ്ലൈ ചെയ്യുന്ന ഏജൻസിക്ക് രണ്ട് വർഷമായി പേയ്മെന്റ് നടത്തിയിട്ടില്ല..!!
മരിച്ച ശവശരീരം വെന്റിലേറ്ററിൽ കൂടുതൽ സമയം വെച്ച്‌ കൂടുതൽ ബില്ല് കൊടുക്കുന്ന ഹോസ്പിറ്റൽ മാനേജുമെന്റുകളും നമ്മുടെ നാട്ടിലുണ്ട്‌.....
അപകടത്തിൽ പെടുന്ന രോഗിയേയും കൊണ്ട്‌ ഗവൺമന്റ്‌ ഹോസ്പിറ്റലിൽ നിർത്താതെ പ്രൈവറ്റ്‌ ഹോസ്പിറ്റലുകളിലേക്ക്‌ പായുന്ന ആമ്പുലൻസ്‌ ഡ്രൈവർമ്മാർ നമ്മുടെ നാട്ടിൽ ഉണ്ട്‌...
മരിച്ച ഭാര്യയുടെ/ മകളുടെ ശവശരീരവും ചുമന്നുകൊണ്ടു നടന്നു പോകുന്ന പാവപ്പെട്ടവനും ഇവിടെ പരാമര്ശിക്കപ്പെടുന്നുണ്ട്‌.
മരുന്ന് പരീക്ഷണങ്ങൾക്കു പാവപ്പെട്ട ഗ്രാമീണനെ വിധേയമാക്കുന്നത് കൊണ്ടുള്ള ഹൊസ്പിറ്റലിന്റെ നേട്ടവും പറയുന്നുണ്ട്!
വെറും 7% ജി എസ്‌ റ്റി ഈടാക്കുന്ന സിംഗപ്പൂരിൽ സൗജന്യ ചികിൽസാ സൗകര്യം ഒരുക്കാമെങ്കിൽ 28% ഈടാക്കുന്ന ഇന്ത്യയിൽ എന്തുകൊണ്ട്‌ ആയിക്കൂടാ... എന്തുകൊണ്ട് ലിക്കറിനു ജി എസ്‌ റ്റി ഇല്ല  എന്നീ  ഉശിരൻ ചോദ്യങ്ങളും  ഉയർത്തുന്നുണ്ട്‌ ഇവിടെ .
ഇത്രയും മെർസൽ എന്ന സിനിമയിൽ നിന്ന് ...കയ്യടിക്കേണ്ട സംഭാഷങ്ങൾ...

എന്നാൽ ഇതൊഴിച്ചാൽ മെർസൽ വെറും സമയം കൊല്ലി ചിത്രം

Sunday, October 1, 2017

അങ്ങനേം ഒരു കാലം

ഇത്രയും ശക്തിയായി ഇത്രയും അധികം സമയം അടുത്തകാലത്തൊന്നും മഴ പെയ്തിട്ടില്ല ഒരു പക്ഷെ വർഷങ്ങൾ തന്നെ കഴിഞ്ഞിട്ടുണ്ടാകും ഇതുപോലൊരു മഴ കണ്ടിട്ട് ആസ്വദിച്ചിട്ടു.............
പ്രൈമറി സ്‌കൂൾ ഡേയ്‌സ് ആണ് മനസ്സിൽ
മനസ്സുകൊണ്ടൊരു ഒരു മടക്കയാത്ര അന്നത്തെ മഴക്കാലത്തേക്ക്
അന്നൊക്കെ സ്‌കൂൾ തുറക്കുന്ന ദിവസം തന്നെ മഴയും എത്തുമായിരുന്നു
ചെറിയകുട്ടികളായി മഴ നന്നഞ്ഞു സന്തോഷിക്കുന്ന കാഴ്ച്ച മനസ്സ്
കുളിര്പ്പിക്കുന്നു ചില കുട്ടികൾ കുട നിവര്ത്തി മഴയിൽ ഡാൻസ് ചെയ്യുന്നത്ഇപ്പോഴും എനിക്ക് കാണാം 
സ്കൂ ടൈം കഴിഞ്ഞാലും മഴ പിന്നെയും ബാക്കിയാവും
മഴ നന്നഞ്ഞുള്ള ഫുട്ബോൾ കളി,നിറഞ്ഞു കവിഞ്ഞു കിടക്കുന്ന പുഴയിലെ കുളി നീന്തൽ അതും മണിക്കൂറുകൾ എല്ലാം എന്ത് രസമുള്ളതായിരുന്നു 
ശക്തിയായ മഴയിൽ ഒരു വാഴയില തലയ്ക്കു മീതെ പിടിച്ചു കെട്ടികിടക്കുന്ന വെള്ളത്തിൽ കാലുകൊണ്ടടിച്ചു വെള്ളം തെറിപ്പിക്കുന്ന സുഖം സന്തോഷം പറഞ്ഞറിയിക്കാൻ വയ്യ ....
മഴ നനഞ്ഞു പനിപിടിച്ചു വീട്ടിൽ കിടക്കുന്ന സുഖം അതൊന്നു വേറെയാണ് 
കുരുമുളക് ചേർത്ത ചുക്ക് കാപ്പിയും പൊടിയരി കഞ്ഞിയും കുടിച്ചു മൂടി പൊതച്ചുറങ്ങുന്ന സുഖം ഇനിയൊരിക്കലും തിരിച്ചുകിട്ടില്ല ..... 
വീടുകൾ മിക്കവാറും ഓല മേഞ്ഞതോ ഓടിട്ടതോ ആയിരുന്നു
ശക്തി ആയി മഴ പെയ്യുന്ന രാത്രികളിൽ കുറെ അധികം വെള്ളം വീട്ടിനുള്ളിൽ വീഴും അത് മുഴുവൻ പാത്രങ്ങളിൽ ശേഖരിച്ചു പുറത്തുകൊണ്ട് ഒഴുക്കൽ ഒരു ജോലിയായിരുന്നു....
ഉറക്കം വരാത്ത രാത്രികളിൽ മഴയുടെ ചറ പറ ആസ്വദിച്ചു അങ്ങനെ കിടക്കുക എന്ത് രസമായിരുന്നു..... 
മനസ്സിൽ ഓർമ്മകളുടെ പെരുമഴ നിറുത്താതെ പെയ്യുന്നു ..

                                    

Monday, September 4, 2017

സാന്ത്വനം



രാജീവ് കണക്കിൽ ബിരുദാനന്തര ബിരുദം നേടിയിട്ടും പ്രൈമറി വിദ്യാലയത്തിൽ അദ്ധ്യാപകനായത് ചെറിയ കുട്ടികളെ കണക്ക് പഠിപ്പിക്കാനുള്ള ഇഷ്ടവും കൂടാതെ ചെറുപ്പത്തിൽ തന്നെ കുട്ടികൾക്ക് കണക്കിനോടുള്ള വിരോധം ഇല്ലാതാക്കുവാനും വേണ്ടിയാണ്
രാജീവിന്റെ പഠിപ്പിക്കൽ കുട്ടികൾ ഏറെ ഇഷ്ട്ടപ്പെട്ടു കളിയിലൂടെ കണക്ക് എന്നതാണ് രാജീവ് അഡോപ്റ്റ് ചെയ്ത രീതി വർഷങ്ങൾ കടന്നു പോയി ഇന്ന് തന്റെ ഒരു വിദ്യാർത്ഥി മികച്ച പഠനത്തിലൂടെയും കായിക നേട്ടത്തിലൂടെയും സിവിൽ സർവീസ് പരീക്ഷയിൽ വിജയം നേടിയത് പേപ്പറിൽ വായിച്ച സന്തോഷത്തിൽ ആയിരുന്നു രാജീവ് പലതും മനസ്സിൽ ....

ഏഴാം ക്ളാസ്സിലെ മിഡ് ടേം പരീക്ഷയുടെ പരിശോധനയിൽ രാജീവിന് മനസ്സിലായി ഒരു കുട്ടി ഒഴികെ ബാക്കി എല്ലാവരും പഠനത്തിൽ വളരെ മുന്നിലാണ് സഞ്ജീവ് മാത്രം തോറ്റിരിക്കുന്നു ഇത് എങ്ങനെ സംഭവിച്ചു
രാജീവ് അവനെ പ്രത്യേകം ശ്രദ്ധിക്കാൻ തുടങ്ങി
അവൻ സ്ക്കൂളിൽ വരുന്നത് വളരെ വൈകിയാണ് പലപ്പോഴും ക്ളാസിൽ ഉറങ്ങി വീഴുന്നു ഒട്ടും ശ്രദ്ധിക്കുന്നില്ല ഒരു സബ്ജക്കറ്റിലും
രാജീവ് അവനെ വിളിച്ചു സംസാരിച്ചു ഗുണദോഷിച്ചു പക്ഷെ ഒന്നും ഗുണം കണ്ടില്ല പിന്നെ വൈകിവരുന്നതിനു ശിക്ഷ കൊടുത്തു നോക്കി അതിലും കാര്യങ്ങൾ മെച്ചപ്പെട്ടില്ല
രാജീവ് അവന്റെ പഴയ റിപ്പോർട്ടുകൾ മാർക്ക് ഷീറ്റുകൾ എല്ലാം പരിശോധിച്ചു പലവിഷയത്തിലും അവൻ ക്ളാസിൽ ഫസ്റ്റ് ആയിരുന്നു മുൻ വർഷങ്ങളിൽ പിന്നെ കായിക ഇനങ്ങളിൽ സ്ഥിരമായി സമ്മാനങ്ങളും നേടിയിരുന്നു
രാജീവ് സഞ്ജീവിന്റെ വീട്ടിൽ പോയി അവന്റെ അമ്മ രോഗം വന്നു കിടപ്പിലാണ് അച്ഛൻ മരിച്ചു വർഷങ്ങൾ കഴിഞ്ഞു ആകെയുള്ളത് അമ്മയും അവനും രാജീവിന്റെ ചോദ്യങ്ങൾക്കു അമ്മ പറഞ്ഞതിങ്ങനെ
"
അവന്റെ അച്ഛൻ മരണപ്പെട്ട ശേഷം എനിക്ക് അങ്ങേരു ജോലിചെയ്തിരുന്ന കമ്പനിയിൽ ജോലികിട്ടി രാസലായിനികൾ ഉണ്ടാക്കുന്ന
ഒരു സ്ഥാപനം ഒരു ആറു വർഷം വല്യ കഷ്ടപ്പാടുകൾ ഇല്ലാതെ ജീവിതം മുന്നോട്ടു പോയി ഒരു ബാങ്ക് ലോൺ എടുത്തു വീട് പുതുക്കി പണിതു ജീവിതം ശാന്തമായി മുന്നോട്ടൊഴുകി സഞ്ജീവൻ നന്നായിട്ടു പഠിക്കുമായിരുന്നു പിന്നെ സ്പോർട്ട്സിൽ സമ്മാനങ്ങൾ നേടുമായിരുന്നു
എന്നാൽ എല്ലാം പെട്ടെന്ന് തകിടമറഞ്ഞു ഫാക്ടറിയിലെ കെമിക്കൽ പുഴയിൽ കലരുന്നു എന്നുപറഞ്ഞു തുടങ്ങിയ പ്രതിഷേധം അവസാനിച്ചത് ഫാക്ടറി നിറുത്തിയപ്പോളാണ് പിന്നെ പല പല ജോലികൾ ചെയ്തെങ്കിലും ഒന്നിനും ജീവിതനിനു വേണ്ട ഭദ്രത നല്കാൻ കഴിഞ്ഞില്ല ബാങ്കിലെ ലോൺ അടവ് മുടങ്ങി കൂടാതെ മനസ്സിന് ഏറ്റ പ്രഹരം ശരീരത്തേയും ബാധിച്ചു ഞാൻ കിടപ്പിലായി ഇപ്പൊ ഞങ്ങൾ ജീവിക്കുന്നത് അവൻ കാലത്തു പേപ്പറും പാലും വീട് വീടാന്തരം കൊടുത്തു കിട്ടുന്ന തുച്ഛമായ വരുമാനത്തിലാണ് കാലത്തു മൂന്ന് മണിക്ക് എണീക്കുന്ന അവൻ തിരിച്ചു വീട്ടിൽ എത്തുന്നത് മിക്കപ്പോഴും ഒൻപതു മണിക്കാണ് പിന്നെ കുളിച്ചു കഞ്ഞിയുണ്ടാക്കി പുറപ്പെടുമ്പോൾ സ്കൂൾ തുടങ്ങിട്ടുണ്ടാവും എന്നാലും അവൻ എന്നെ പൊന്നു പോലെ നോക്കുന്നു ബാങ്ക് ജപ്തി നടപടി തുടങ്ങിയത് അവനെ വല്ലാതെ അലട്ടുന്നു ഇറക്കിവിട്ടാൽ എവിടെ പോകും എങ്ങനെ ജീവിക്കും ഇതെല്ലാമാണ് അവന്റെ കൊച്ചു മനസ്സിനെ അലട്ടുന്നത് ഇത്രയും മാനസിക സമ്മർദ്ദം അനുഭവിക്കുന്ന അവൻ എങ്ങനെ പഠിക്കും മാഷേ .."
രാജീവിന് സഞ്ജീവനോട് ബഹുമാനം തോന്നിയ നിമിഷമായിരുന്നു
അയാൾ നേരെ പോയത് അവർ ലോൺ എടുത്ത ബാങ്കിലേക്കാണ് മാനേജരോടും മറ്റും സംസാരിച്ചു ഒരാറുമാസം സമയം തിരിച്ചടവിനു നീട്ടിവാങ്ങി അതിനു തന്റെ ശമ്പളത്തിൽ നിന്ന് റിക്കവറിക്ക് അനുവാദ പത്രം നൽകേണ്ടി വന്നു . ഒരാഴ്ചക്ക് ശേഷം സ്കൂൾ അസംബ്ലി യിൽ അദ്ധ്യാപകരോടും കുട്ടികളോടും സഞ്ജീവൻറെ വീട്ടിലെ അവസ്ഥ വിവരിച്ചു അവനെ സഹായിക്കേണ്ടതിന്റെ ആവശ്യകത വിസ്തരിച്ചു പറഞ്ഞു തന്റെ മനസ്സിൽ രൂപം കൊടുത്ത പദ്ധതി "പഠനം ഒപ്പം കൃഷി കൃഷി വഴി സഞ്ജീവന് സാന്ത്വനം " അവതരിപ്പിച്ചു എല്ലാവരോടും കാലത്തും വൈകീട്ടും ഓരോ മണിക്കൂർ സ്കൂൾ പറമ്പിൽ ചിലവിടാൻ അഭ്യർത്ഥിച്ചു. കുട്ടികളും അദ്ധ്യാപകരും നാട്ടുകാരും അതൊരു ഉത്സവമാക്കി ആഘോഷിച്ചു കൃഷി നല്ല വിളവ് നൽകി അതിലെ ലാഭം സഞ്ജീവൻറെ പ്രശ്നങ്ങൾക്ക് പരിഹാരമായി അവന്റെ അമ്മക്ക് വിദഗ്ദ്ധ ചികിത്സാ ലഭ്യമാക്കി അവരും രോഗം വിട്ടുമാറി സ്കൂളിലെ കൃഷിയിൽ സജീവമായി വർഷങ്ങൾ പിന്നിട്ടു സഞ്ജീവൻ പഠിച്ചു സിവിൽ സർവീസും പാസ്സായി സത്യത്തിൽ തന്റെ ജീവിതത്തിനു അർത്ഥമുണ്ടായി എന്ന് രാജീവിന് തോന്നി തെല്ലു അഹങ്കാരവും .............